Kushtimet · Zonja Bovari

Për Marie-Antoine-Jules Senard¹

ANËTAR I AVOKATISË SË PARISIT, ISH-KRYETAR I ASAMBLESË KOMBËTARE DHE ISH-MINISTËR I BRENDSHËM

I dashur dhe i shquar mik,

Më lejoni ta shkruaj emrin tuaj në krye të këtij libri, madje mbi vetë kushtimin e tij; sepse është kryesisht juaji merita që ai u botua. Duke kaluar nëpër mbrojtjen tuaj të shkëlqyer, vepra ime ka fituar, edhe në sytë e mi, një si autoritet të papritur. Pranoni, pra, këtu nderimin e mirënjohjes sime, e cila, sado e madhe të jetë, nuk do të arrijë kurrë lartësinë e elokuencës dhe të përkushtimit tuaj.

GUSTAVE FLAUBERT

Paris, 12 prill 1857

---

Për Louis Bouilhet²

Shënime

1. Antoine Senard (1800–1885), avokat dhe politikan, ministër i Brendshëm më 1848. Kur romani doli në vazhdime në Revue de Paris (1856), Flaubert-i dhe botuesit e tij u paditën për „fyerje të moralit publik dhe të fesë“. Senard-i e mbrojti Flaubert-in në gjyq dhe në shkurt të vitit 1857 ata u shpallën të pafajshëm. Libri doli pak muaj më vonë, me këtë kushtim. ↩︎

2. Louis Bouilhet (1822–1869), poet dhe dramaturg, shok i Flaubert-it që në kolegjin e Ruanit. Gjatë pesë vjetëve që Flaubert-i shkroi romanin, ai e lexoi atë kapitull pas kapitulli dhe i dha këshilla të vazhdueshme. ↩︎